QQ ENGLISH ACADEMY

Бага зардлаар тав тухтай орчинд англи хэлийг хялбархан сурцгаая

QQ ENGLISH ACADEMY

QQ English Academy нь 2009 онд байгуулагдсан бөгөөд Филиппин улсын Сэбу хотод үйл ажиллагаагаа явуулдаг, олон улсын түвшний англи хэлний академи юм. Манай сургууль нь англи хэлийг богино хугацаанд үр дүнтэй суралцах орчинг бүрдүүлж, дэлхийн 30 гаруй орны оюутнуудад англи хэлний өндөр боловсрол олгодог.

QQ English Academy нь бүх багш нараа TESOL сертификаттай, туршлагатай мэргэжилтнүүдээр бүрдүүлдэг бөгөөд “1:1 сургалтын арга”-ыг түлхүү ашигласнаар суралцагч бүрийн хэрэгцээнд нийцсэн сургалтыг явуулдаг.

Манай академи Сэбу хотод хоёр кампустай:

IT Park Campus – хотын төвд байрлах, бизнесийн дүүрэгт суралцаж амьдрах боломжтой.
Beach Front Campus – далайн эргийн үзэсгэлэнт байршилд байрлах, суралцахын зэрэгцээ амарч, аялал жуулчлалын таатай орчинд англи хэлээ хөгжүүлэх боломжтой.

СУРГАЛТЫН ХӨТӨЛБӨР

QQ English Academy нь суралцагч бүрийн англи хэлний түвшин, зорилго, хэрэгцээнд тохируулсан олон төрлийн сургалтын хөтөлбөрүүдтэй.

Ерөнхий англи хэлний хөтөлбөр нь өдөр тутмын харилцаанд чөлөөтэй оролцох чадвар олгох зорилготой бөгөөд дүрмийн мэдлэгийг сайжруулахын зэрэгцээ яриа, сонсгол, уншлага, бичгийн чадварыг тэнцвэртэйгээр хөгжүүлдэг. Энэ нь англи хэл шинээр эхэлж буй болон мэдлэгээ бататгахыг хүсэж буй бүх түвшний суралцагчдад тохиромжтой.

QQ English-ийн онцлох сургалтын арга бол Callan Method юм. Энэ арга нь суралцагчдыг богино хугацаанд идэвхтэйгээр англиар ярьж сургахад чиглэдэг бөгөөд багш асуултыг шууд тавьж, суралцагчийг алдаагүйгээр хурдан хариулах дадалд сургадаг. Давталттай хичээлийн энэ арга нь ярианы чадварыг маш богино хугацаанд ахиулах үр дүнтэй арга юм.

Бизнесийн англи хэлний хөтөлбөр нь олон улсын байгууллага, гадаадын компаниудад ажиллаж буй эсвэл карьераа хөгжүүлэх зорилготой хүмүүст зориулагдсан. Энэ сургалтаар албан ёсны харилцааны хэллэг, бизнесийн захидал бичих ур чадвар, хурал уулзалт дээр өөрийгөө зөв илэрхийлэх арга барил, мөн гэрээ хэлцэл хийхэд шаардлагатай мэдлэгийг эзэмшдэг.

Албан ёсны шалгалтад бэлтгэх хөтөлбөрүүд нь IELTS, TOEIC, TOEFL зэрэг олон улсын шалгалтын бүх ур чадварын бэлтгэлийг цогцоор нь хангадаг. Сурагчид тогтмол жишиг тестүүд өгч, ахиц дэвшлээ хэмжүүлэхийн зэрэгцээ шалгалтын онцлог, арга барилыг багш нараасаа нарийн суралцдаг тул богино хугацаанд өндөр оноо авах боломжтой.

Тодорхой зорилготой суралцагчдад зориулсан төрөлжсөн англи хэлний сургалтууд бий. Аялал жуулчлалын англи хэлний хөтөлбөрөөр аяллын үед хэрэг болох харилцааны чадварыг хөгжүүлж болдог бол ажилд орох ярилцлагад зориулсан сургалт нь өөрийгөө итгэлтэй танилцуулахад тусалдаг. Их сургуульд элсэх эсвэл судалгааны ажил хийхээр бэлтгэж буй хүмүүст зориулсан академик англи хэлний сургалт ч бий.

QQ English нь онлайн сургалтын үйлчилгээгээрээ ялгардаг. Оюутнууд дэлхийн хаанаас ч хамаагүй багштайгаа шууд холбогдон, ганцаарчилсан хичээлээ авч болох бөгөөд ерөнхий англи хэлнээс эхлээд IELTS, бизнесийн англи хэл хүртэл бүх төрлийн хөтөлбөрийг онлайнаар сонгож суралцах боломжтой.

ДОТУУР БАЙР

QQ English Academy нь суралцагчдаа англи хэлний сургалтдаа бүрэн төвлөрөх боломжтой байлгахын тулд тав тухтай, аюулгүй, орчин үеийн дотуур байрны нөхцөлийг санал болгодог.