PINES ENGLISH ACADEMY

Бага зардлаар тав тухтай орчинд англи хэлийг хялбархан сурцгаая

PINES LANGUAGE CENTER

PINES International Academy нь Филиппин улсын Багоүо хотод байрлах, олон улсын оюутнуудад зориулсан англи хэлний мэргэжлийн сургууль юм. 2002 оноос хойш үйл ажиллагаа явуулж буй тус сургууль нь богино хугацаанд англи хэлний мэдлэгийг эрчимтэй дээшлүүлэх, TOEIC болон IELTS зэрэг шалгалтад бэлтгэхэд чиглэсэн хөтөлбөрүүдээрээ танигдсан.

Давуу талууд

Богино хугацаанд англи хэлний түвшинг эрс сайжруулах эрчимтэй сургалт.
IELTS, TOEIC зэрэг шалгалтад мэргэжлийн түвшинд бэлтгэх баталгаатай хөтөлбөрүүд.
Олон улсын оюутнуудтай хамт суралцах тул англи хэлний хэрэглээний орчинд бүрэн нэвтэрнэ.
Өөрийн хэрэгцээнд тохирсон өрөө, сургалтын хөтөлбөрөө сонгох өргөн боломж.

СУРГАЛТЫН ХӨТӨЛБӨР

PINES English Academy нь суралцагчдын түвшин, зорилгод нь тохируулан англи хэлний олон төрлийн хөтөлбөр санал болгодог.

Анхан шатнаас ахисан шат хүртэлх бүх түвшний сурагчдад зориулсан. Сонсгол, уншлага, бичгийн чадвар, үгсийн сан, дүрэм болон ярианы чадварыг тэнцвэртэй хөгжүүлдэг. Өдөр бүр ганцаарчилсан болон бүлгийн хичээлүүдээр мэдлэгээ бататгаж, өдөр тутмын амьдралдаа англи хэлээ ашиглах боломжтой.

Англиар ярих чадвараа хурдан хугацаанд хөгжүүлэхийг хүсэгчдэд зориулсан. Power Speaking: Өдөр тутмын харилцаа, илтгэл, өөрийгөө чөлөөтэй илэрхийлэх дадалд сургана. Intensive ESL: Хичээл, давтлагын цаг илүү урт, өдөрт олон цагийн ярианы дадлага хийдэг тул богино хугацаанд ихээхэн ахиц гардаг.

Pre-IELTS: IELTS-ийн талаар суурь ойлголтгүй эсвэл анхан шатны түвшинд байгаа оюутнуудад зориулагдсан. IELTS Regular: Сонсгол, уншлага, бичгийн ажил, яриа гэсэн 4 чадварыг албан ёсны IELTS шалгалтын форматаар хөгжүүлнэ. IELTS Guarantee: 8–12 долоо хоногийн турш эрчимтэй сургалт явуулж, тодорхой оноонд хүрэхийг баталгаажуулдаг тусгай хөтөлбөр.

Албан ёсны TOEIC шалгалтын төв дээр бэлтгэл болон шалгалтаа өгөх боломжтой. Ажил хэрэгч англи хэл, сонсгол, уншлагын чадварыг ахиулан богино хугацаанд оноогоо өсгөхөд зориулагдсан.

Light ESL: Хичээлийн ачаалал бага, өөрийн хүссэнээр чөлөөт цагаа төлөвлөх боломжтой. Амралттай хослуулан сурахыг хүсэгчдэд тохиромжтой. Power ESL 5 / Power ESL 7: Өдөрт 5–7 цагийн ганцаарчилсан хичээлтэй тул англи хэлний ахиц дээд зэргээр мэдэгдэхүйц байдаг.

PINES-ийн сургалтын онцлог нь ганцаарчилсан болон бүлгийн хичээлийг уялдуулан зохион байгуулдаг тул суралцагчийн сул талыг богино хугацаанд нөхөж, харилцах чадварыг бодитоор хөгжүүлдэг явдал юм.

СУРГАЛТЫН ОРЧИН

Кампус: Багоүо хот дахь үндсэн болон Chapis кампустай. Аль ч кампус нь нам гүм, аюулгүй орчинд байрладаг тул хичээлдээ төвлөрөхөд таатай нөхцөл бүрдүүлсэн.
Дотуур байр: 1–6 хүний өрөөний сонголттой, тохилог дотуур байраар хангадаг.
Дэд бүтэц: Хоолны газар, спортын танхим, номын сан, сурагчдын нэмэлт хичээлийн анги, mock test төв зэрэг бүхий л хэрэгцээтэй байгууламжтай.
English Only Policy: Кампус дотор зөвхөн англиар харилцах дүрэмтэй тул оюутнуудын сурах орчин үр дүнтэй, тасралтгүй байдаг.