EG ENGLISH ACADEMY

Бага зардлаар тав тухтай орчинд англи хэлийг хялбархан сурцгаая

EG LANGUAGE ACADEMY

EG English Academy нь 2013 онд байгуулагдсан бөгөөд Филиппин улсын Англис хот (Angeles City, Pampanga) дахь хамгийн найдвартай, тав тухтай англи хэлний сургалтын төвүүдийн нэг юм. Манай сургуулийн зорилго бол суралцагч бүрт англи хэлийг зөвхөн сурах биш, өдөр тутмын амьдралдаа хэрэглэх, харилцаанд ашиглах бодит чадвар эзэмшүүлэхэд оршдог.

EG Academy нь олон улсын сурагчдыг хүлээн авдаг тул дэлхийн өнцөг булан бүрээс ирсэн найзуудтай болж, олон соёлтой танилцах боломж нээлттэй. Мэргэжлийн чадвартай багш нар болон Native англи хэлний багш нар хослон ажилладаг учир суралцагчид богино хугацаанд ярих, сонсох чадвараа эрчимтэй хөгжүүлэх боломжтой.

ДАВУУ ТАЛУУД

Native багштай хичээлүүд нь англи хэлний яриа болон сонсох чадварыг сайжруулахад дэмжлэг болдог.
Олон улсын суралцагчид их ирдэг: Солонгос, Япон, Тайвань, Хятад, Саудын Араб, Вьетнам гэх мэт.
Сургалтын програмууд нь суралцагчийн түвшинд тохирсон, шатлалтай бөгөөд дасан зохицох боломжтой.
Сургууль маань 3000м² орчим газартай бөгөөд сургалтын танхим, дотуур байр (2 дотуур байртай) зэрэг байгууламжтай.
Сургууль орчмын ойролцоо ресторан, супермаркет, гоо сайхан болон бусад үйлчилгээний газрууд байдаг.

СУРГАЛТЫН ХӨТӨЛБӨР

EG Academy нь суралцагч бүрийн түвшин, зорилго, сонирхолд тохирсон олон төрлийн хөтөлбөртэй.

Ерөнхий англи хэлний хөтөлбөр нь ярих, сонсох, унших, бичих дөрвөн чадварыг зэрэг хөгжүүлж, өдөр тутмын харилцаанд өөрийгөө чөлөөтэй илэрхийлэхэд чиглэдэг. Хичээл нь шат дараатайгаар заагддаг бөгөөд энгийн харилцан ярианаас эхлээд академик түвшний бичгийн болон уншлагын чадварыг хөгжүүлдэг онцлогтой.

Native ESL болон Native Mix хөтөлбөрүүд нь англи хэлийг эх хэлтэй багшаар заалгах боломжийг олгодог. Ингэснээр сурагчид зөв дуудлага эзэмшиж, бодит амьдралын англи хэлний орчинд суралцаж буй мэт туршлагатай болдог. Native Mix хувилбар нь туршлагатай Филиппин багш болон Native багш нарын хосолсон сургалт бөгөөд сурагчийн ярианы болон сонсголын чадварыг эрчимтэй хөгжүүлэхэд чиглэдэг.

Шалгалтын бэлтгэлийн хөтөлбөрүүд нь IELTS, TOEIC, TOEFL зэрэг олон улсын шалгалтад амжилттай бэлтгэхэд тусалдаг. IELTS-ийн сургалт нь Academic болон General Training чиглэлээр явагдаж, албан ёсны шалгалтын форматаар дадлага хийх боломжтой байдаг. TOEIC-ийн сургалт нь олон улсын байгууллага, компаниудад ажиллахад шаардлагатай оноог ахиулахад төвлөрдөг бол TOEFL-ийн сургалт нь гадаадын их дээд сургуульд суралцахыг зорьж буй оюутнуудад тохиромжтой, академик англи хэлний гүнзгий сургалтыг санал болгодог.

Бизнесийн англи хэлний хөтөлбөр нь олон улсын бизнесийн орчинд ажиллах болон албан ёсны харилцаанд англи хэлийг зөв, мэргэжлийн түвшинд ашиглахад чиглэдэг. Сурагчид илтгэл тавих, албан имэйл бичих, хэлэлцээр хийх, уулзалт удирдах зэрэг ур чадваруудыг эзэмшдэг бөгөөд ингэснээр дэлхийд өрсөлдөх чадвараа нэмэгдүүлэх боломжтой болдог.

EG Academy нь мөн гэр бүл болон хүүхдүүдэд зориулсан тусгай сургалтыг санал болгодог. Хүүхдэд зориулсан хөтөлбөр нь хөгжилтэй, тоглоомын аргаар англи хэл заадаг тул тэд богино хугацаанд үгсийн сангаа баяжуулж, ярианы чадвараа хурдан эзэмшдэг. Эцэг эх болон хүүхдүүд хамтдаа суралцах боломжтой бөгөөд энэ нь гэр бүлээрээ англи хэл сурах сонирхолтой хүмүүст тохиромжтой шийдэл юм.

Сурагчдын онцгой сонирхолд зориулсан English + Golf хөтөлбөр ч бий. Өглөө нь англи хэлний хичээлд хамрагдаж, үдээс хойш нь гольфын спортоор хичээллэх боломжтой энэ сургалт нь хэл сурахыг спортын сонирхолтой хослуулан хөгжүүлэх өвөрмөц арга замыг санал болгодог. Мөн зөвхөн ярих чадвараа богино хугацаанд ахиулахыг хүссэн хүмүүст зориулсан Intensive Speaking Program гэж нэрлэгдсэн эрчимжүүлсэн сургалт ажилладаг.